၆ အောက်တိုဘာ ၂၀၂၆ (Eastern ThanLwin )
IM
ထိုင်းနိုင်ငံ အယုဒ္ဓယပြည်နယ် ဘန်ဘန်ခရိုင် ဘန်ကွမ်းရွာမှာ ကျောက်ဖရားမြစ်ရေ လျှံတက်နေလို့ နေအိမ်များ ဒုတိယထပ်အထိ နစ်မြုပ်နေပြီး ဒေသခံများ မြေညီထပ်များကို စွန့်ခွာနေရတယ်လို့ ထိုင်းသတင်း ဖော်ပြချက်များအရ သိရပါတယ်။
ရေများ ဆက်လက် မြင့်တက်နေပြီး အိမ်သာနဲ့ အခြေခံ အကူအညီများ အရေးပေါ် လိုအပ်နေကာ ပိုလျှံရေကို လယ်ကွင်း ရေထိန်းနယ်များသို့ လွှဲပေးရန် ဒေသခံများက တောင်းဆိုနေကြပါတယ်။
အောက်တိုဘာ ၅ ရက် အခြေအနေအရ အယုဒ္ဓယတွင် ခရိုင် ၁၆ ခုမှ အိမ်ထောင်စု ၅၃,၄၅၇ စု ရေဘေး သင့်နေပြီး ဆည်များမှ ရေလွှတ်မှုကြောင့် မြစ်ရေများ ထပ်မံ မြင့်တက်နိုင်တယ်လို့ အာဏာပိုင်တွေက သတိပေးထားတာပါ။

