Language:

နောက် (၂) ရက်အတွင်း ဘင်္ဂလားပင်လယ်မှာ လေဖိအားနည်း ရပ်ဝန်းဖြစ်ပေါ်နိုင်ကာ နိုင်ငံအနှံ့ မိုးထစ်ချုန်း ရွာနိုင်


နောက် (၂) ရက်အတွင်း ဘင်္ဂလားပင်လယ်မှာ လေဖိအားနည်း ရပ်ဝန်းဖြစ်ပေါ်နိုင်ကာ နိုင်ငံအနှံ့ မိုးထစ်ချုန်း ရွာနိုင်

၁၁ အောက်တိုဘာ ၂၀၂၆ (Eastern ThanLwin)

ဖိုးစည်

ဘင်္ဂလားပင်လယ်အော် အရှေ့တောင်ပိုင်းမှာ လာမယ့် အောက်တိုဘာ (၁၃) ရက်မှာ လေဖိအားနည်းရပ်ဝန်းတခု ဖြစ်နိုင်ကာ နိုင်ငံအနှံ့ မိုးထစ်ချုန်း ရွာနိုင်တယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနရဲ့ သတင်းထုတ်ပြန်ချက်အရ သိရပါတယ်။

မိုး/ဇလက ဒီကနေ့ အောက်တိုဘာ (၁၁) ရက် နေ့လယ်ပိုင်းမှာ ထုတ်ပြန် အသိပေးထားတာဖြစ်ပါတယ်။

လက်ရှိ ဘင်္ဂလားပင်လယ်အော်မြောက်ပိုင်းနဲ့ အနောက်အလယ်ပိုင်းတို့မှာ တိမ်အနည်းငယ် ဖြစ်ထွန်းနေပြီး ကပ္ပလီ ပင်လယ်ပြင်နဲ့ ကျန်ဘင်္ဂလားပင်လယ်အော်တို့မှာ တိမ်အသင့်အတင့်ကနေ တိမ်ထူထပ်နေတယ်လို့လည်း မိုး/ဇလက အသိပေးထားပါတယ်။

မနက်ဖြန်နံနက်အထိ ခန့်မှန်းချက်အနေနဲ့ စစ်ကိုင်းတိုင်းဒေသကြီးအထက်ပိုင်းနဲ့ ကချင်ပြည်နယ်တိုတွင် တိမ်အသင့်အတင့် ဖြစ်ထွန်းနိုင်ပြီး ဧရာဝတီတိုင်းဒေသကြီးနဲ့ တနင်္သာရီတိုင်းဒေသကြီးတိုတွင် နေရာအနှံအပြား၊ ကရင်ပြည်နယ်နဲ့ မွန်ပြည်နယ်တိုတွင် နေရာစိပ်စိပ် မိုးထစ်ချုန်းရွာနိုင်ဟု မိုး/ဇလက ထုတ်ပြန်ပါတယ်။

နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ရခိုင်ပြည်နယ်နဲ့ ရှမ်းပြည်နယ်(တောင်ပိုင်းနဲ့ အရှေ့ပိုင်း)တို့တွင် နေရာကျဲကျဲ၊ ကျန်တိုင်းဒေသကြီးနဲ့ ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပြီး ရွာရန်ရာနှုန်း ၈၀ ဖြစ်တယ်လို့လည်း မိုး/ဇလက ဆိုပါတယ်။

ဒါ့အပြင် နောက် (၂) ရက်အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နဲ့ ရှမ်းပြည်နယ်တို့မှာ နေရာကျဲကျဲ မိုးထစ်ချုန်းရွာနိုင်တယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနက အသိပေး ထုတ်ပြန်ထားပါတယ်။

#ဘင်္ဂလားပင်လယ်

#လေဖိအားနည်းရပ်ဝန်း

#နိုင်ငံအနှံ့

#နောက်(၂) ရက်အတွင်း

#မိုးထစ်ချုန်းရွာနိုင်

https://t.me/+13Tc7H7JT802NjA1
https://tiktok.com/@easternthanlwin
https://www.youtube.com/@EasternThanLwinMedia

ဆက်စပ်သတင်းများ

Eastern Thanlwin