၂၂ စက်တင်ဘာ ၂၀၂၆ (Eastern Thanlwin)
ဖိုးစည်
စစ်ကိုင်းတိုင်းဒေသကြီး ကလေးမြို့ တပ်ဦးသီတာရပ်ကွက်ရှိ ကွန်ပျူတာနဲ့ မိတ္တူဆိုင်တစ်ဆိုင်မှာ ယမန်နေ့ စက်တင်ဘာ (၂၁)ရက် ညပိုင်းက မီးလောင်မှုဖြစ်ပွားခဲ့ပြီး ဆိုင်ဝန်ထမ်း အမျိုးသမီး (၃)ဦး သေဆုံးခဲ့ရတယ်လို့ ဒေသတွင်း သတင်းရင်းမြစ်တွေထံက သိရပါတယ်။
မနေ့က စက်တင်ဘာ (၂၁) ရက် ည (၁၁) နာရီ ဝန်းကျင်က ကလေးမြို ၊ သီတာဦး ရပ်ကွက်၊ ကမ္ဘာ့ရတနာဘဏ်ဘေးရှိ Apple ကွန်ပျူတာနဲ့ မိတ္တူကူးဆိုင်မှာ မီးလောင်မှု ဖြစ်ပွားခဲ့တာပါ။
” ဆိုင်အောက်ထပ်ကနေ စလောင်တာ ၊ ဝန်ထမ်းတွေက အပေါ်ထပ်မှာ အိပ်ကြတာတဲ့။ မီးက လောင်စာကောင်းတော့ တအားကြီးသွားပြီး အပြင်ထွက်ဖို့ ခက်သွားတယ်နဲ့တူတယ်။ (၃) ယောက်သေတယ်။” လို့ ဒေသခံ လူမှုကူညီရေးအသင်းဝင် တစ်ဦးက ပြောပါတယ်။
မီးလောင်မှုဖြစ်ပွားရာသို့ ကလေးခရိုင်နဲ့ ကလေးမြိုနယ် မီးသတ်စခန်းက မီးငြိမ်းသတ်ယာဉ်(၂)စီးနဲ့ ရေသယ်ယာဉ်(၂) စီး လာရောက်မီးငြိမ်းသတ်ခဲ့တဲ့အတွက် ည (၁၂) နာရီဝန်း ကျင်မှာ မီးငြိမ်းသွားတယ်လို့ သိရပါတယ်။
မီးလောင်မှုကြောင့် သေဆုံးခဲ့ရတဲ့ အမျိုးသမီး (၃) ဦးရဲ့ ရုပ်အလောင်းတွေကို ပုညကုသလလူမှုကူညီရေးအသင်းနဲ့ ကရုဏာလူမှုကူညီရေးအသင်းတို့က လူနာတင်ယာဉ်နဲ့ ကလေးမြို့ ပြည်သူ့ဆေးရုံကို ပို့ဆောင်ပေးခဲ့ရပါတယ်။
#အမျိုးသမီး(၃)ဦး
