၁၅ အောက်တိုဘာ ၂၀၂၆ (Eastern Thanlwin)
IM
အင်ဒိုနီးရှားက မြေဆီလွှာ ပျက်စီးမှုမှာ မီးလောင်ရခြင်း အကြောင်းရင်းဟု ဖြစ်ပြီး စားနပ်ရိက္ခာ စိုက်ပျိုးရေး စီမံကိန်းများကြောင့် မြေဆီလွှာများ ပျက်စီးခဲ့ရတာပါလို့ အင်ဒိုနီးရှားနိုင်ငံ စားနပ်ရိက္ခာ ဒုတိယဝန်ကြီး Hanif Faisol Nurofiq က အောက်တိုဘာ ၁၅ ရက်မှာ ပြောကြားလိုက်ပါတယ်။
ထို့ကြောင့် အင်ဒိုနီးရှားနိုင်ငံ အစိုးရက မြေဆီလွှာ ဂေဟစနစ်ကို ပြန်လည် ထိန်းသိမ်းသွားမယ်လို့လည်း ၎င်းကဆိုပါတယ်။
ပြည်နယ်မြို့တော် ပါလန်ကာရာယာတွင် ထိုအညွှန်းကိန်း ၁,၃၀၀ နီးပါး ရှိခဲ့ပြီး အန္တရာယ်ရှိတဲ့ အဆင့်သည် ၃၀၀ ဖြစ်ကာ ကျန်းမာရေး ဝန်ကြီးဌာန၏ စာရင်းကို အောက်တိုဘာ ၁၄ ရက်တွင် နောက်ဆုံး ထုတ်ပြန်ခဲ့ပါတယ်။
အသက်ရှူလမ်းကြောင်း ကူးစက်ရောဂါ ဖြစ်ပွားမှု ၂၈၃,၂၇၀ အထိ ရောက်ခဲ့ပြီး ထိုစာရင်းသည် ဩဂုတ် ၁၈ ရက်မှ အောက်တိုဘာ ၁၃ ရက်အထိ မှတ်တမ်းတင်ထားခြင်း ဖြစ်ကာ ပါလန်ကာရာယာမှာ အောက်တိုဘာ ၁၅ ရက် နံနက် ၁၁ နာရီ၌ လေထု အရည်အသွေး အညွှန်းကိန်း ၂၁၇ ရှိခဲ့တယ်လို့ သိရပါတယ်။
ထိုအဆင့်သည် ကျန်းမာရေးအတွက် အလွန် မကောင်းသည့် အဆင့် ဖြစ်ပြီး ထိုမြို့တွင် လေထု အရည်အသွေးသည် ၃၇ ရက် ဆက်တိုက် အန္တရာယ်ရှိ အဆင့်မှာ ရှိနေခဲ့တာလို့ သိရပါတယ်။
ယခုနှစ် မီးလောင်မှုများမှာ ၁၁ နှစ် အတွင်း အဆိုးရွားဆုံး ဖြစ်ပြီး El Niño ရာသီဥတုကြောင့် မိုးခေါင်မှု ပြင်းထန်ခဲ့ရပြီး မြေဆီလွှာက မီးများသည် မြေအောက်မှာ မှိုင်းလောင်နေတတ်သောကြောင့် မီးခိုးသည် ပိုမို ထူထပ်လာတာလို့လည်း ဆိုပါတယ်။
Pantau Gambut အဖွဲ့၏ ခန့်မှန်းချက်အရ မြေဆီလွှာ ဟက်တာ ၂၄ သန်း ရှိရာ ၎င်းတို့အနက် ဟက်တာ ၁၆ သန်းသည် မီးလောင်လွယ်သည့် အခြေအနေသို့ ရောက်နေပြီး ၂၀၁၅ ခုနှစ်မှ ၂၀၁၉ ခုနှစ်အတွင်း မီးလောင် ပျက်စီးခဲ့သော မြေဆီလွှာများအနက် ၃ ရာခိုင်နှုန်းသာ သစ်တောအဖြစ် ပြန်လည် ထိန်းသိမ်းနိုင်ခဲ့တယ်လို့ ဆိုပါတယ်။
၅၄ ရာခိုင်နှုန်းသည် တစ်မျိုးတည်း စိုက်ပျိုးသော စိုက်ခင်းများ ဖြစ်သွားခဲ့ပြီး ၎င်းတို့တွင် ဆီအုန်း စိုက်ခင်းများ အများဆုံး ပါဝင်ကာ မီးများသည် ဆူမားတြား၊ ကာလီမန်တန်နှင့် ပါပူအာတို့တွင် ဟက်တာ သိန်းပေါင်းများစွာကို လောင်ကျွမ်းခဲ့တယ်လို့ သိရပါတယ်။
အစိုးရအနေနဲ့ မြေဆီလွှာများကို ပြန်လည် စိုစွတ်စေရန် ရေတွင်းများ တူးဖော်သွားမည် ဖြစ်ပြီး ရေမြောင်း စီမံခန့်ခွဲမှုကိုလည်း တိုးတက်စေမယ်လို့ ဆိုပါတယ်။
ကောင်းကင်က အဝါရောင် သန်းနေပြီး ပြည်သူတို့၏ နေ့စဉ် လှုပ်ရှားမှုများ များစွာ လျော့နည်းသွားခဲ့ပြီး မိုးရွာလာမှာကိုလည်း မျှော်လင့်နေတယ်လို့ ပါလန်ကာရာယာမှ ဒေသခံ တစ်ဦးက ပြောပါတယ်။
အခြေနေ အရပ်ရပ်ကြောင့် မီးခိုးမြူသည် အိမ်နီးချင်း နိုင်ငံများသို့လည်း ပျံ့နှံ့နေကာ တီမောလက်စ်တေ နိုင်ငံမှာလည်း ကျောင်းများကို အောက်တိုဘာ ၁၅ ရက်မှ စတင်၍ ၃ ရက် တာ ပိတ်ထားခဲ့ရပါသေးတယ်။
မြို့တော်ဒေလီမှာ အောက်တိုဘာ ၁၅ ရက်က ကောင်းကင်မှာ အဝါရောင် သန်းနေခဲ့လို့ အပြင်ထွက်သူများ နှာခေါင်းစည်းများ တပ်ဆင်ခဲ့ရပြီး အစိုးရက ကလေးများကို အိမ်ထဲတွင်သာ နေရန် တိုက်တွန်းထားပါတယ်။
