၁၆ အောက်တိုဘာ ၂၀၂၆ (Eastern ThanLwin )
IM
အင်ဒိုနီးရှားနိုင်ငံ အရှေ့ဂျာဗားရှိ Bromo Tengger Semeru အမျိုးသားဥယျာဉ်မှာ ကြာသပတေးနေ့က တောမီးလောင်ကျွမ်းမှုဖြစ်ပွားရာ ၎င်းတောမီးကို ငြှိမ်းသတ်ရင်း လူ ၄ ဦး သေဆုံးခဲ့တယ်လို့ သစ်တောဝန်ကြီးဌာနမှ သောကြာနေ့က အတည်ပြုခဲ့တာဖြစ်ပါတယ်။
သေဆုံးသူများထဲ တာဝန်ရှိသူများ ပါဝင်နေတယ်လို့ ဆိုပြီး သေဆုံးသူတို့၏ အမည်များကို မထုတ်ပြန်သေးဘဲ မီးငြှိမ်းသတ်ရာ၌ စေတနာ့ဝန်ထမ်းများ၊ ဒေသခံများ ပါဝင်တယ်လို့ သိရပြီး နောက်ထပ် လူ ၂ ဦး ပြင်းထန်စွာ မီးလောင်ဒဏ်ရာ ရခဲ့ကာ ဆေးကုသမှု ခံယူနေရတယ်လို့ ဆိုပါတယ်။
ယခုနှစ် တောမီးများသည် ၁၀ စုနှစ်ကျော် အတွင်း အဆိုးရွားဆုံး ဖြစ်ပြီး ဆူမားတြားနှင့် ဘော်နီယို ကျွန်းတို့တွင် မီးလောင်မှု အများဆုံး ဖြစ်ကာ ထိုကျွန်းများသည် စင်ကာပူနှင့် မလေးရှားနဲ့ နီးကပ်နေတာပါ။
မီးလောင်နိုင်သည့် နေရာ ၇၉၉ ခုကို တွေ့ခဲ့ပြီး ထိုအရေအတွက်သည် ယခင်နေ့ထက် ၄၂၇ ခု ပိုများကာ နေရာ တစ်နေရာသည် မီး တစ်ခု မဟုတ်နိုင်ကြောင်း ဌာနက ရှင်းပြထားပြီး မီး တစ်ခုသည် နေရာများစွာအဖြစ် ပေါ်နိုင်တယ်လို့ ဆိုပါတယ်။
ဦးစားပေး ပြည်နယ် ၆ ခုတွင်လည်း မီးလောင်နိုင်သည့် နေရာ ၆၁၅ ခုကို တွေ့ခဲ့ရပြီး ထိုစာရင်းကိုလည်း သစ်တော ဌာနက ထုတ်ပြန်ခဲ့ကာ မီးခိုးသည် အိမ်နီးချင်းနိုင်ငံများသို့လည်း ပျံ့နေပြီး စင်ကာပူတွင် လေထု အရည်အသွေး အညွှန်းကိန်း၂၅၁ အထိ ရောက်ခဲ့ကာ ထိုအဆင့်ဟာ ကျန်းမာရေးအတွက် အလွန် မကောင်းဘဲ
အညွှန်းကိန်းကိုတော့ သောကြာနေ့ အစောပိုင်းမှာ တိုင်းတာခဲ့တာဖြစ်ပါတယ်။
မီးခိုးကြောင့် လူအများအပြား အသက်ရှူ ပြဿနာ ဖြစ်နေကာ ထိခိုက်သူ သိန်းပေါင်းများစွာ ရှိသည်ဟု ဆိုထားပြီး မလေးရှားနှင့် တီမောလက်စ်တေတွင် ကျောင်းအချို့ ပိတ်ထားရကာ မလေးရှား လေကြောင်းလိုင်း Firefly သည် စင်ကာပူသို့ ပျံသန်းမှုအချို့ကို ဖျက်သိမ်းခဲ့ရတယ်လို့ သိရပါတယ်။
အင်ဒိုနီးရှား သမ္မတ Prabowo Subianto သည် အကူအညီ လက်ခံရန် သဘောတူခဲ့ပြီး နိုင်ငံခြားရေး ဝန်ကြီးက ထိုအချက်ကို ပြောဆိုခဲ့ကာ မလေးရှားသည် ရဟတ်ယာဉ် ၃ စီး စေလွှတ်ရန် ကမ်းလှမ်းထားပြီး လေယာဉ် ၁
စီးနှင့် လူ ၅၂ ဦးလည်း ပါဝင်ကာ စင်ကာပူကလည်း ကူညီရန် အသင့်ရှိကြောင်း ပြောဆိုထားပါတယ်။
မီးငြှိမ်းသတ်ခြင်းသည် အန္တရာယ်များသော အလုပ်ဖြစ်သည်ဟု သစ်တော ဝန်ကြီးဌာနက ဝမ်းနည်းကြောင်း ထုတ်ပြန်ခဲ့ပြီး လုံခြုံရေးသည် အဓိက ဖြစ်ရမည်ဟု ဌာနက ပြောဆိုပါတယ်။
