Language:

ရန်ကုန်စက်သုံးဆီဈေးနှုန်းတွေ အနည်းငယ်ကျဆင်း၊ ၉၂ တစ်မျိုးသာ တစ်လီတာ ၁၀ ကျပ် မြင့်တက်


ရန်ကုန်စက်သုံးဆီဈေးနှုန်းတွေ အနည်းငယ်ကျဆင်း၊ ၉၂ တစ်မျိုးသာ တစ်လီတာ ၁၀ ကျပ် မြင့်တက်

၂၃ အောက်တိုဘာ ၂၀၂၆ (Eastern ThanLwin )

ကြည်ညို

ရန်ကုန်မြို့ရဲ့ အောက်တိုဘာ ၂၃ ရက် စက်သုံးဆီဈေးနှုန်းတွေမှာ ဓာတ်ဆီ ၉၂ တစ်မျိုးသာ ဈေးမြင့်တက်ခဲ့ပြီး ဓာတ်ဆီ ၉၅၊ ဒီဇယ်နဲ့ ပရီမီယံဒီဇယ်ဈေးနှုန်းတွေကတော့ အရင်နေ့တွေကထက် စျေးနှုန်းတွေ အနည်းငယ်စီ ပြန်လည်ကျဆင်းလာပါတယ်။

ဒီနေ့ သတ်မှတ်ဈေးနှုန်းတွေအရ ဓာတ်ဆီ ၉၂ တစ်လီတာကို ၄,၇၁၅ ကျပ် သတ်မှတ်ထားပြီး မနေ့ကထက် ၁၀ ကျပ် မြင့်တက်ခဲ့ကာ ဓာတ်ဆီ ၉၅ ကတော့ တစ်လီတာ ၄,၈၃၅ ကျပ်ရှိပြီး ယခင်နေ့ထက် ၁၅ ကျပ် လျော့ကျခဲ့ပါတယ်။

ဒီဇယ်ဆီဈေးနှုန်းမှာလည်း တစ်လီတာကို ၄,၄၄၅ ကျပ် သတ်မှတ်ထားတာကြောင့် မနေ့ကထက် ၄၀ ကျပ် ကျဆင်းခဲ့ပြီး ပရီမီယံဒီဇယ်ဆီကတော့ တစ်လီတာ ၅,၃၇၅ ကျပ်ရှိပြီး ၆၅ ကျပ်အထိ လျော့ကျခဲ့တာ ဖြစ်ပါတယ်။

ဈေးနှုန်းအပြောင်းအလဲကို နှိုင်းယှဉ်ကြည့်မယ်ဆိုရင် ဓာတ်ဆီ ၉၂ တစ်မျိုးသာ ဈေးတက်ခဲ့ပြီး ကျန်စက်သုံးဆီအမျိုးအစားသုံးမျိုးစလုံး ဈေးနှုန်းကျဆင်းခဲ့တာ ဖြစ်ပြီး အဲဒီထဲမှာ ပရီမီယံဒီဇယ်ဆီက တစ်လီတာကို ၆၅ ကျပ် လျော့ကျခဲ့တာကြောင့် အများဆုံးကျဆင်းတာဖြစ်ပါတယ်။

စက်သုံးဆီဈေးနှုန်းတွေဟာ ပြီးခဲ့တဲ့ စက်တင်ဘာလအတွင်းမှာ သိသိသာသာ မြင့်တက်ခဲ့ဖူးပြီး စက်တင်ဘာ ၂၅ ရက်က သတ်မှတ်ခဲ့တဲ့ ရန်ကုန်စက်သုံးဆီဈေးနှုန်းတွေမှာ ဓာတ်ဆီ ၉၂ တစ်လီတာ ၄,၄၅၀ ကျပ်၊ ဓာတ်ဆီ ၉၅ တစ်လီတာ ၄,၆၀၀ ကျပ်၊ ဒီဇယ် ၄,၇၉၀ ကျပ်နဲ့ ပရီမီယံဒီဇယ် ၅,၇၉၅ ကျပ်အထိ ရှိခဲ့ပါတယ်။

စက်တင်ဘာလအတွင်း ဈေးနှုန်းမြင့်တက်မှုနဲ့ နှိုင်းယှဉ်ကြည့်မယ်ဆိုရင် လက်ရှိအောက်တိုဘာ ၂၃ ရက် ဈေးနှုန်းတွေမှာ ဓာတ်ဆီ ၉၂ နဲ့ ၉၅ ဈေးတွေဟာ အနည်းငယ်ပိုမြင့်နေသေးပေမဲ့ ဒီဇယ်နဲ့ ပရီမီယံ ဒီဇယ်ဈေးတွေကတော့ အဲဒီကာလထက် လျော့နည်းနေတာကြောင့် စက်သုံးဆီအမျိုးအစား အားလုံးမှာ ဈေးနှုန်းတူညီစွာ ပြောင်းလဲနေတာမဟုတ်ဘဲ အမျိုးအစားအလိုက် ကွာခြားမှုရှိခဲ့ပါတယ်။

#ရန်ကုန်စက်သုံးဆီ

#92/95

#တစ်လီတာ

ဆက်စပ်သတင်းများ

Eastern Thanlwin