၃၁ ဇူလိုင်လ ၂၀၂၆ (Eastern Thanlwin)
NPW
စက်သုံးဆီ အကြပ်အတည်းကြောင့် မော်တော်ယာဉ်တွေနဲ့ မော်တော်ဆိုင်ကယ်တွေ စက်သုံးဆီဝယ်ယူမှုမှာ ယာဉ်နံပါတ် စုံ/မခွဲ ထားသလို မော်တော်ယာဉ်တွေ အသုံးပြုခွင့်ကိုလည်း စုံ/မ ခွဲပြီး အသုံးပြုဖို့ အစိုးရကအမိန့်ထုတ်ထားတာဖြစ်ပါတယ်။
စက်သုံးဆီတင်သွင်းခွင့် အခွန်တွေလျော့ပေးနေတဲ့အတွက် လက်ရှိအခြေအနေမှာ စက်သုံးဆီဈေးနှုန်း တည်ငြိမ်လာသလို မော်တော်ယာဉ်တွေကို စုံမခွဲပြီး စက်သုံးဆီဝယ်တာ၊ ယာဉ်အသုံးပြုခွင့် သတ်မှတ်ထားလို့ စက်သုံးဆီလည်း ပိုလျှံလာတာကြောင့် ပြည်ထောင်စုလွှတ်တော်ကနေ ပြည်ထောင်စုအစိုးရအဖွဲ့ထံ သတ်မှတ်ချက်တွေ ဖြေလျော့ပေးဖို့ တောင်းဆိုထားတယ်လို့ သိရပါတယ်။
နိုင်ငံတော်ရဲ့ အခွန်လျော့ပေါ့မှုစီမံချက်ကြောင့် စက်သုံးဆီဈေးနှုန်းတည်ငြိမ်လာတဲ့အတွက် ယာဉ်အသုံးပြုခွင့် စုံ/မသတ်မှတ်ချက်ကို ဖြေလျှော့ပေးဖို့ ပြည်သူ့လွှတ်တော်ကိုယ်စားလှယ်က တောင်းဆိုလိုက်တာဖြစ်ပါတယ်။
ပြည်ထောင်စု အစိုးရအနေနဲ့ ဓါတ်ဆီ၊ ဒီဇယ်နဲ့ သဘာဝဓါတ်ငွေ့ရည်တွေအပေါ် အထူးကုန်စည်ခွန်နဲ့ ကုန်သွယ်လုပ်ငန်းခွန် ကင်းလွတ်ခွင့်တွေကို တစ်လတစ်ကြိမ် ပြည်ထောင်စုလွှတ်တော်ကို တင်ပြပြီး လွှတ်တော်က အတည်ပြုပေးနေတာဖြစ်ပါတယ်။
အခုလို ယာဉ်အသုံးပြုခွင့်ကိုလည်း စုံ မ ခွဲသတ်မှတ်ထားတဲ့အတွက် ခရီးသွားသူတွေအနေနဲ့ အကြောင်းကြောင်းကြောင့် သတ်မှတ်ရက်မဟုတ်ဘဲ အသုံးပြုတာ စစ်ဆေးတွေ့ရှိရင် ဒဏ်ငွေရိုက်ခံရတွေလည်း ရှိနေတယ်လို့ သိရပါတယ်။
စက်သုံးဆီ ခြိုးခြံချွေတာသုံးစွဲရေးအတွက် မတ်လ(၇)ရက်မှစတင်ပြီး ပုဂ္ဂလိကပိုင်ယာဉ်တွေကို လစဉ် စုံရက်များမှာတော့ စုံအက္ခရာနှင့် မရက်တွေမှာတော့ မ အက္ခရာ နံပါတ်ပါယာဉ်တွေကိုသာ မောင်းနှင်အသုံးပြုဖို့ ပြည်ထောင်စုအစိုးရက ထုတ်ပြန်ကြေငြာထားတာဖြစ်ပါတယ်။
